Os modernos detectores de partículas están formados por un gran número de subdetectores, cada un deles cumplindo unha función ben definida no proceso de detección. Combinando a información dos distintos subdetectores, os científicos son capaces de saber o que pasa nunha colisión.

Nos experimentos de física de partículas se utilizan fundamentalmente tres tipos de subdetectores:

• Cerca do punto de colisión están os detectores de trazas que rexistran as traxectorias e ángulos de desviación das partículas cargadas.
• Pola parte exterior dos detectores de trazas atópanse os calorímetros que miden a enerxía das partículas tanto das cargadas como das neutras.
• Máis lonxe do punto de colisión se atopan os detectores de muóns que identifican os muóns.

Os calorímetros poden ser electromagnéticos ou hadrónicos, cos primeiros situados máis perto do punto de colisión que os segundos.

Prema na ligazón de abaixo para comezar a animación que amosa cómo as diferentes partículas quedan rexistradas cando atravesan o detector. A animación mostra un corte transversal do detector CMS, que é un dos dous grandes detectores do acelerador LHC. No ángulo superior esquerdo pódese escoller entre catro tipos de partículas. A animación require ter instalado o programa Macromedia Flash Player.

Comezar a animación