No microcosmos actúan tres forzas ou interaccións entre quarks e leptóns. O Modelo Estándar explica as diferentes interaccións mediante partículas portadoras de forza. Os tres tipos de interacción son:

• A interacción forte (actúa sobre os quarks; transmitida por gluóns)
• A interacción feble (actúa tanto sobre os quarks como os leptóns; transmitida por bosóns vectoriais)
• A interacción electromagnética (actúa sobre as partículas cargadas; transmitida por fotóns)

Existe un cuarto tipo de interacción que non forma parte do Modelo Estándar: A gravitatoria. Pénsase que se transmite polo gravitón (aínda non descuberto). A forza gravitatoria entre partículas elementais é tan feble que prácticamente non afecta ao microcosmos.